15.05.2017
കരിമീനിന്റെ ആകൃതിയില്‍ മഞ്ഞ നിറത്തിലും ശരീരത്തിന്‍റെ മധ്യഭാഗത്ത്‌ ഒരു കറുത്ത ബ്ലാക്ക് സ്പോട്ടോട് കൂടിയതും ആയ ഒരു മീനുണ്ട് .''മഞ്ഞപ്പൂട്ട'' എന്നാണു എന്റെ നാട്ടില് ഇതിനു പേര് പറയുക .
കുളങ്ങളിലും തോടുകളിലും കാണപ്പെടുന്ന ചെറിയ വായ ഉള്ള ഇവ ചൂണ്ടയില്‍ കുരുങ്ങാന്‍ വലിയ പ്രയാസമാണ് .
ചൂണ്ട വായ്ക്കുള്ളിലാക്കാതെ ഇര കടിച്ചു മെല്ലെ തിന്നുന്ന ഇവയെ, ചൂണ്ട മെല്ലെ മുകളിലോട്ടു പൊക്കി തെളിഞ്ഞ വെള്ളത്തില്‍ കാണുന്ന രീതിയിലാക്കി ചൂണ്ടയുടെ അഗ്രഭാഗം വായയുടെ അടുത്തെത്തിയാല്‍ ഒരൊറ്റ വലിയാണ് , അപ്പോള്‍ ചുണ്ട് കൊളുത്തില്‍ കുരുങ്ങിയിട്ടുണ്ടാവും .
ഇവയെ പിടിക്കല്‍ വളരെ രസകരം ആണ്
മഞ്ഞപ്പൂട്ടയെ പിടിക്കുന്ന പോലെയാണ് ഇവിടെ ഞാനടക്കം ചില മലയാളികളുടെ പര്‍ച്ചേസിംഗ് .
മാളുകളിലും സൂപ്പെര്‍ മാര്‍ക്കറ്റുകളിലും ഡിസ്പ്ലേ ചെയിതിരിക്കുന്ന സാദനങ്ങള്‍ നോക്കിയിങ്ങനെ കറങ്ങും .എപ്പോഴാണ് ഓഫര്‍ ഇടുന്നത് അപ്പൊ ചാടിക്കയറി അങ്ങ് വാങ്ങിക്കും .
ഇന്ന് കാലിദിയമാളിലെ ലുലുവില്‍ നല്ല ഓഫര്‍ ഉണ്ട് .
നരകത്തിലെ കോഴിക്ക് പാതി വിലയോള്ളൂ വാങ്ങിക്കെട്ടയോ എന്ന് ചോദിച്ചു കൊണ്ട് റൂമില്‍ ഗോപിക്ക് പകരം ഒരു പയ്യന് വന്നിട്ടുണ്ട് , ശഖില്‍.അവന്‍ വിളിച്ചു ചോദിച്ചു .
ഞാന്‍ വാങ്ങിക്കൊള്ളൂ എന്ന് പറഞ്ഞു .
കുറച്ചു സമയത്തിനു ശേഷം അവന്‍ ഒന്നും വാങ്ങാതെ കൈവീശിക്കൊണ്ട്‌ വന്നിരിക്കുന്നു .
ഞാന്‍, '' എന്ത് പറ്റിയെടാ?''
പയ്യന്, ''ബഷീര്‍ക്കാ ...അവിടെ മുടിഞ്ഞ തിരക്ക് ,ഉണ്ടാക്കുന്നത്‌ മൊത്തം തീര്‍ന്നു പോകുന്നു .അരമണിക്കൂര്‍ കഴിഞ്ഞു ചെല്ലാന്‍ പറഞ്ഞു ''.
പയ്യന് പോയിട്ട് അരമണിക്കൂര്‍ ആയി ,ഞാനാണെങ്കില്‍ സാദാരണ ഉണ്ടാക്കാറുള്ള കഞ്ഞിയും ഉണ്ടാക്കിയിട്ടില്ല .
ഇന്ന് പട്ടിണിയാവുമോ, ആവോ ?.
15.05.2015
പ്രവാസം അവാസാനിപ്പിച്ചു രണ്ടുവര്ഷം നാട്ടിൽ നിന്ന് തിരിച്ചെത്തിയ കുഞ്ഞിക്കയെ ഇന്നലെ കണ്ടപ്പോൾ ചോദിച്ചു ,
''കുഞ്ഞിക്ക രണ്ടു കൊല്ലം നാട്ടിൽ നിന്നപ്പോൾ വീട്ടിലെ ചെലവ് കാര്യങ്ങൾക്കൊക്കെ എന്ത് ചെയിതു ?''
''ഓ അതൊന്നും പറയേണ്ട പല പരിപാടികളും ചെയിതു നോക്കി ,കുറെ കാശ് പോയത് മിച്ചം .ബാങ്കിലും കുറിയിലുമായി ഉണ്ടായിരുന്ന കാശ് തീർന്നു നില്ക്കുന്ന സമയത്താണ് ,അകന്ന ബന്ധത്തിൽ പെട്ട ഒരു ചെറുക്കൻ കല്യാണ ആലോചനയുമായി നടക്കുന്ന വിവരം അറിയുന്നത് .കാര്യങ്ങൾ തിരക്കിയപ്പോൾ പയ്യന് നല്ല ജോലിയും ഇഷ്ടംപോലെ പണവും ഉണ്ട് ,കാണാൻ വല്യ''ബോറ് കുറവ് '' ഇല്ലാത്ത പയ്യന് സുന്നരിയായ പെണ്ണിനെ കിട്ടണം എന്നായിരുന്നു ഡിമാന്റ് .മറ്റു ആവശ്യങ്ങളൊന്നും ഇല്ല .(ഇപ്പോഴത്തെ ഒരു ട്രെൻഡ് അതാണ്‌ ,കാശും സ്വർണവും വേണ്ട പെണ്ണ് നന്നാവണം ,പയ്യൻ കുരങ്ങു മോന്ത ആയാലും )
എന്റെ അറിവിലൊരു പെണ്ണുണ്ട് ഞാനൊന്ന് അന്വേഷിക്കട്ടെ എന്ന് പയ്യനോട് പറഞ്ഞു . ആക്രാന്തം മൂത്ത പയ്യൻ എന്നാൽ വണ്ടിയിൽ കയറു നമുക്ക് പോയിനോക്കാം എന്ന് പറഞ്ഞപ്പോൾ ഞാൻ പറഞ്ഞു, ഞാനൊന്ന് പോയി കാര്യങ്ങൾ തിരക്കി വരാം എന്നിട്ട് നമുക്ക് ഉമ്മയേയും കൂട്ടി പോകാം എന്ന് പറഞ്ഞു .അത് പയ്യൻ സമ്മതിച്ചു .ഉടനെ ഒരു അഞ്ഞൂറിന്റെ നോട്ടു പയ്യൻ പോക്കറ്റിൽ ഇട്ടു തന്നു .
ങാഹാ ഇത് കൊള്ളാമല്ലോ പരിപാടി, എന്ന് മനസ്സിലോർത്തു ഞാൻ അവിടെ നിന്നും പോന്നു
തൊട്ടടുത്ത ദിവസം പയ്യനെയും ഉമ്മയും കൂട്ടി പെണ്ണിനെ കാണിച്ചു ,പെണ്ണിനെ ഇഷ്ട്ടപ്പെട്ട പയ്യൻ വണ്ടിയിൽ കയറുമ്പോൾ ആയിരം രൂപ തന്നു .
ഇപ്പൊ ഇത്ര കിട്ടി ഇനി കല്യാണം കഴിഞ്ഞാൽ എത്ര കിട്ടും എന്ന് ഓർത്ത് മനസിൽ ഒരായിരം ലഡു പൊട്ടി. ഞാൻ വളരെ സന്തോഷിച്ചു പെണ്ണിന്റെ വീട്ടിലെത്തിയപ്പോൾ പെണ്ണിന്റെ തന്ത പറഞ്ഞു പെണ്ണിന് പയ്യനെ ഇഷ്ടപ്പെട്ടില്ല എന്ന് .ഞാൻ ശശി !!
എനിക്ക് ആത്മവിശ്വാസം ഉണ്ടായിരുന്നു ഏതെങ്കിലും ഒന്നിനെ ആ പയ്യന് കിട്ടും എന്ന് ,പക്ഷെ ഇതുപോലെ രണ്ടു പെണ്ണുകാണൽ വീണ്ടും ഉണ്ടായെങ്കിലും ഒന്നും നടന്നില്ല .പിന്നീടാ പയ്യൻ എന്റെ അടുത്തു വന്നില്ല .
കല്യാണ ബ്രോക്കർ ആയാലും സ്വത്ത് ബ്രോക്കർ ആയാലും ,വാഹന ബ്രോക്കെർ ആയാലും പണം മുടക്കാതെ ഉള്ള ഈ ബ്രോക്കെർ പണി ഫ്രോഡ് മൈന്റ് ഉള്ളവർക്കെ വിജയകരമായി നടത്തിക്കൊണ്ടു പോകാൻ കഴിയൂ എന്നൊരു വലിയ പാഠം രണ്ടു വർഷം കൊണ്ട് ഞാൻ പഠിച്ചു .
നുണ എന്നൊരു വർക്കിംഗ് ക്യാപിറ്റൽ ഉണ്ടെങ്കിൽ വിജയകരമായി നടത്താൻ പറ്റുന്ന ഒരു ജോലി ബ്രോക്കെർ പണി തന്നെയാണ് ''.
ബാബു പറഞ്ഞ ഒരു കഥ എഫ് ബി യില്‍ പോസ്റ്റിയപ്പോള്‍ നിങ്ങള്‍ തന്നെയല്ല ആ ബാബു എന്ന് പറഞ്ഞു കുറച്ചു മെസ്സേജു വന്നു .
സുഹ്ര്ത്ത്ക്കളെ , മൂന്നു വര്ഷം ഒരു റൂമില്‍ ഒരുമിച്ചു താമസിച്ച എന്റെ സ്നേഹിതന്‍ ആണ് ബാബു. സ്നേഹ സമ്പന്നന്‍ ,ആ കാലത്ത് ഒരു ആള്ക്സിടന്റില്‍ പെട്ട് ഞാന്‍ കൈക്ക് ബാണ്ടെജു ഇട്ടു കിടക്കുന്ന സമയം എന്നെ വളരെയധികം സഹായിച്ച സഹ മുറിയന്മാരില്‍ ഒരുത്തന്‍ .ഗള്‍ഫില്‍ വന്നതിനു ശേഷം ഏറ്റവും നല്ല ബിരിയാണി തിന്നത് ബാബു ഉണ്ടാക്കിയത് ആണ്
ബാബുവിന്റെ കഥ അനവതിയുണ്ട് ,ബാബു നല്ല ഒരു പാചക വിദഗ്ദന്‍ കൂടിയാണ് .അവന്റെ ഉപ്പ നാട്ടില് ഒരു പ്രൊഫഷണല്‍ കുക്ക് ആണ് ,കല്യാണ സദ്യ ഒരുക്കുന്ന കാര്യത്തില്‍ പേര് കേട്ട ആളായിരുന്നു ,ഇപ്പോള്‍ ജോലിക്ക് പോകാന്‍ വയ്യ .
ബാബു പത്താം ക്ലാസ്സ് കഴിഞ്ഞു ,ഇനിയെന്ത് എന്ന് ചിന്തിച്ചു നടക്കുന്ന കാലം ,ബാബു ഉപ്പാന്റെ കാഴ്ചപ്പാടില്‍ sslc എന്നാല്‍ ഒരു വലിയ ഡിഗ്രി തന്നെയായിരുന്നു ,ഒരു ദിവസം അവന്റെ ഉപ്പാന്റെ ശിഷ്യന്മാരില്‍ ഒരാളായ ഹംസ(പേര് സാങ്കല്പികം ) വന്നു ഉപ്പയുമായി എന്തോ സംസാരിക്കുന്നത് കണ്ടു .കുറച്ചു കഴിഞ്ഞു ബാബുവിനെ അടുത്തു വിളിച്ചു ഉപ്പ പറഞ്ഞു നീ നാളെ മുതല്‍ ഇയാളുടെ കൂടെ ജോലിക്ക് പൊയിക്കോ ,എന്നിട്ട് പണി ഒക്കെ പടിക്ക് .ബാബുവിന് സംസ്ഥാന പരീക്ഷാബോഡില്‍ വല്ല്യ വിശ്വാസം ഇല്ലാത്തത് കൊണ്ട് ,sslc ക്ക് ശേഷം എന്ത് എന്ന ചോദ്യത്തിന് ഉപ്പ തന്നെ ഉത്തരം കണ്ടെത്തി എന്ന് തോന്നി .
അങ്ങിനെ ബാബു അയാളുടെ കൂടെ ജോലിക്ക് പോക്ക് തുടങ്ങി കല്യാണ സീസണില്‍ ആയിരുന്നു ബാബുവിന്റെ അപ്പോയിന്റ്മെന്റ് നടന്നത് .ഒരു ദിവസം സ്ഥലത്തെ ഒരു പ്രമാണിയുടെ വീട്ടില്‍ (ഇയാള്‍ അവിടെത്തെ ചെറിയ ഒരു കീരിക്കാടന്‍ ആണ് ) ഒരു ചെറിയ പരിപാടിക്ക് ബിരിയാണി ഉണ്ടാക്കാന്‍ പോയി ,ബിരിയാണി ഉണ്ടാക്കി ദംമിട്ടു കിടക്കുന്ന സമയം ഹംസയുടെ ഇഷ്ട വിനോദം അടുത്തു കാണുന്ന സ്ത്രീകളുമായി മധുര ഭാഷണം നടത്തല്‍ ആയിരുന്നു .അന്ന് സംസാരത്തിനു മധുരം കൂടിയത് കൊണ്ട് ദാമ്മിട്ട ബിരിയാണിയുടെ കാര്യം മറന്നു .ഇതിനിടയില്‍ പരിപാടിയിലെ മുഖ്യ അഥിതി വന്നപ്പോള്‍ സ്തീകള്‍ എല്ലാം വീടിന്റെ മുന്‍വശത്തേക്ക് പോയപ്പോള്‍ ആണ് ഹംസക്ക് ബിരിയാണി ദംമിട്ട കാര്യം ഓര്മ വന്നത് .എടാ ബാബൂ പട്ടിചെടാ കാര്യം ബിരിയാണി കരിഞ്ഞോ ന്നു തോന്നുന്നു എന്ന് പറഞ്ഞു ബിരിയാണി ചെമ്ബിനടുത്തേക്ക് ഒരു ഓട്ടം .മൂടി തുറന്നപ്പോള്‍ ഏകദേശം പുള്ളിക്കാരന് മനസ്സിലായി ബിരിയാണി കുളമായിരിക്കുന്നു എന്ന് .ഉടന്‍ ബാബുനോട് പറഞ്ഞു, ബാബു ഒരു കീരിക്കാടന്‍ ആണ് ഇപ്പോള്‍ തടി കെടാവാതിരിക്കാന്‍ ഞാന്‍ ഒരു തറ പണി കാണിക്കാന്‍ പോകുകയാണ് എന്ന് പറഞ്ഞു അടുത്തുള്ള കിനറിനു അടുത്തേക്ക് നടന്നു .ബാബു ഞാന്‍ ഈ കയര്‍ വഴി കിണറില്‍ ഇറങ്ങും ഞാന്‍ ഇറങ്ങി കിണറിലെ വെള്ളത്തില്‍ എത്തിയാല്‍ നീ കയര്‍ മുകളിലേക്ക് വലിച്ചതിന് ശേഷം ഹംസാക്ക കിണറ്റില്‍ വീണെ ...എന്ന് പറഞ്ഞു ഉച്ചത്തില്‍ നില വിളിക്കണം .എന്ന് പറഞ്ഞു ഹംസ കിണറില്‍ ഇറങ്ങി .പറഞ്ഞത് പോലെ ബാബു ഉച്ചത്തില്‍ നിലവിളിച്ചു വീട്ടില്‍ ഉള്ളവരും നാട്ടുകാരും ഓടി കൂടി കിണറിനു ചുറ്റും തടിച്ചു കൂടി ,അപ്പോള്‍ ഹംസ കിണറ്റില്‍ നിന്നും വിളിച്ചു പറഞ്ഞു ,"എനിക്കൊന്നും പറ്റിയിട്ടില്ല ഞാനെങ്ങിനെയെങ്കിലും കായറി ക്കൊള്ളാം നിങ്ങള്‍ ബിരിയാണി കരിയുമോ എന്ന് നോക്കിന്‍" .
